A Mancomunidade alberga no seu territorio restos arqueolóxicas do periodo Neolítico
e a Idade dos Metais. Hai bos exemplos de mámoas, necrópoles, castros, menhires e petroglifos.
Da época romana atópanse cerámicas, aras, estelas funerarias, vías e pontes. É difícil adentrarse nos
montes e sendeiros de calquera parroquia e non topar con algunha destas pegadas da antigüidade.
-Tesouro de Caldas: achado arqueolóxico máis importante. Está formado por 14,9 kilos
de ouro en brazaletes, torques, pulseiras, cuencos e peine. Pertence ó segundo
milenio A.C. Actualmente atópase no Museo de Pontevedra.
-Lapa de Gargantáns ( IV-III milenio A.C.), monumento pétreo con forma de menhir.
-Petroglifos de Ardegán, formados por cervos e figuras xeométricas.
-Pedra das Serpes, Camporredondo (Valga), pertencente á idade do Bronce, formado por reptiles,
cérvidos e círculos.
